परशराम महाराज पुण्यतिथी महोत्सव व तुकाराम बीज साजरा.

परशराम महाराज पुण्यतिथी महोत्सव व तुकाराम बीज साजरा.

मूर्ती प्राणप्रतिष्ठा सोहळा संपन्न.

उत्तम ब्राम्हणवाडे 

तालुक्यातील शिरपूर या गावी गेल्या अकरा वर्षापासून श्री संत परशराम महाराज पुण्यतिथी महोत्सव व तुकाराम महाराज बीज उत्सव कार्यक्रमाचे आयोजन करण्यात येते. यावर्षी फाल्गुन पौर्णिमा सोमवार दिनांक 6 मार्च 2023 ते फाल्गुन कृष्णपक्ष गुरुवार दिनांक 9 मार्च 2023 या दरम्यान कार्यक्रमाचे आयोजन करण्यात आले होते. यावर्षी लोकवर्गणीतून शिरपूर येथे श्री हनुमान मंदिरामध्ये श्री संत परशराम महाराज, तुकाराम महाराज व विठ्ठल रुक्माई यांची मूर्ती प्राणप्रतिष्ठा सोहळा संपन्न झाला.

या कार्यक्रमादरम्यान सकाळी काकड आरती, सायंकाळी हरिपाठ, व रात्री 9 ते 11 च्या दरम्यान हरिकीर्तनाचे आयोजन करण्यात आले होते. गुरुवार दिनांक 9 मार्च 2023 ला ह.भ.प प्रेमदास महाराज यांचे काल्याची कीर्तन झाले नंतर सर्व भाविक भक्तांनी महाप्रसादाचा लाभ घेतला.

सायंकाळी गावामधून तुकाराम गाथा व परशुराम महाराज व तुकाराम महाराज यांचे प्रतिमेचे दिंडी काढण्यात आली. यादरम्यान वारकरी भजनी मंडळ, महिला भजनी मंडळ, गुरुदेव सेवा मंडळ यांनी उपस्थिती मांडली. व गावकऱ्यांच्या उत्साहात संपूर्ण कार्यक्रम आनंदात पार पडला.