मिरचीचे भाव चांगलेच भडकले.

महागाईने केला चागलाच कहर.

मिरचीच्या भावात अचानक दुपटीने वाढ.

उत्तम ब्राम्हणवाडे.

 यावर्षी महागाईने चांगलाच कहर केला असून टोमॅटो,आले, जिरेनंतर आता हिरव्या मिरच्यांनीही आपला रंग दाखवायला सुरुवात केली आहे. काही दिवसांपूर्वी 40 रुपये किलो असलेल्या हिरव्या मिरचीच्या दरात अचानक दुपटीने वाढ झाली आहे. ठोक दराबाबत बोलायचे झाले तर बाजारात 75 रुपये किलो मिरची मोठ्या प्रमाणात विकली जात आहे,

तर किरकोळ मिरचीचा भाव 80 ते 120 रुपये किलोपर्यंत पोहोचला आहे. चेन्नईत हिरवी मिरची 200 रुपये किलो झाली आहे. त्याच वेळी,अनेक शहरांमध्ये किंमत आणखी वाढली आहे.महागाईने टोमॅटोची चव खराब केली आहे.

देशातील सर्व शहरांमध्ये टोमॅटो 100 रुपये किलोच्या वर मिळतात. काही शहरांमध्ये तर 150 रुपये किलोपर्यंत भाव पोहोचला आहे. पावसामुळे पिकांचे नुकसान आणि पुरवठ्यात अडचण निर्माण झाली आहे. टोमॅटोचे किरकोळ भाव 140 रुपये किलोवर पोहोचले आहेत.

महागाईने आता कडधान्य व जिऱ्यातही भर घातली आहे, आल्याचे भावही गगनाला भिडले आहेत, आल्याचा भाव 300 रुपये किलोवर पोहोचला आहे. याशिवाय जिऱ्याचा भाव 500 रुपये किलो झाला आहे. दरम्यान, मिरचीच्या दरात अचानक वाढ होताना दिसत आहे. पीक करपल्याने बाजारात हिरव्या मिरचीची आवक कमी झाल्याचे व्यापाऱ्यांचे म्हणणे आहे.

2 वर्षानंतर हिरव्या मिरचीचे भाव वाढल्याचे घाऊक व्यापाऱ्यांचे म्हणणे आहे. माल खूपच कमी येत असल्याचे किरकोळ दुकानदारांचे म्हणणे आहे, 40 रुपयांपर्यंत पावकिलो मिरची असण्याची शक्यता आहे. पावसामुळे टोमॅटो,हिरवी मिरची, हिरवी कोथिंबीर या पिकांचे नुकसान झाले आहे. त्यामुळे त्यांची मंडईतील आवकही कमी झाली आहे. येत्या पंधरा दिवसांनी या भाज्यांचे दर खाली येऊ शकतात, असे व्यापाऱ्यांचे म्हणणे आहे.

वास्तविक, टोमॅटो आणि मिरचीच्या वाढत्या किमतीमुळे स्वयंपाकघराचे बजेट बिघडले आहे,जेवण बेचव झाले आहे. साधारणपणे 10 ते 15 रुपयांना विकला जाणारा टोमॅटो आता 150 रुपये किलोच्या जवळपास पोहोचला आहे. अलीकडच्या काळात, त्याच्या किमती कमी होण्याची शक्यता नाही, कारण मागणी आणि पुरवठ्यात मोठी तफावत आहे.

टोमॅटो लावणीपासून फळे येईपर्यंत सुमारे तीन महिन्यांचा कालावधी लागत असल्याचे शेतकऱ्यांचे म्हणणे आहे.आता जे पीक येईल, ते येण्यास किमान दीड ते दोन महिने लागतील, तोपर्यंत टोमॅटोसाठी बाहेरच अवलंबित्व राहणार आहे. साहजिकच भाव चढकेलेच राहतील हे मात्र निश्चित!